ISBN: 9786267463635

出版日期: 2024-11-06

作者： 曾偉旻

裝訂： 平裝.單色印刷.160頁.21.

 

　　出身南投，全家好手藝的媒體人「阿旻」曾偉旻，因為出國讀冊數念家鄉味，開始學煮食、捌料理。伊對南投在地的好滋味開始，以臺灣台語佮其他本土語言交流，學習其他族群料理、食食的文化佮觀念，用臺語文配俗諺語，介紹創意好料佮煮食撇步，寫出這本全臺灣、全宇宙頭一本的全臺文食譜！

　　創新臺菜、客家料理、原住民風味、馬祖海味……食材的性質、料理的內涵，攏有無仝族群的經驗佮智慧，透由20項手路菜，予你輕鬆做、簡單講，食過就了解。

　　配合阿旻親身示範短影音，QR Code隨掃隨看，逐項照步來，免驚會失敗。鬥陣顧腹肚，嘛通顧咱語言文化的佛祖。

專文紲喙推薦

　　這本冊除了予你看台語食譜學煮菜，閣有予人看甲欲流喙瀾的媠圖，逐篇溫暖的故事佮智識，短短仔誠輕鬆，拄好提來那啖糝那開講，用佇教學真正讚。──王秀容（本土語言傑出貢獻獎得主）

　　偉旻本人就袂輸這本書仝款，有豐富ê 內涵， 閣多才多藝，毋但有新聞傳播kah主持ê專業，煮食嘛是有正式證照掛保證。而且偉旻ê 心思真幼路，思考嘛真深入。伊會想著做這本台文書寫ê 食譜，咱就看會出來。──許慧如（國立臺灣師範大學臺灣語文學系教授）
　
　　偉旻是一位新時代的媒體人、文化人，今閣成做作家，多才多藝。伊嘛是一位多語人，這本食譜冊上有見解的，是用台文來寫客家、原住民、馬祖的煮食， 正正是語平精神，嘛是咱臺灣真實的食食風景。──鄭順聰（作家）

 

 

作者簡介
曾偉旻

作者簡介



曾偉旻

　　阿旻，曾偉旻。
　　佇臺灣唯一無倚海的南投市大漢。
　　自細漢就「出一支喙」，參加臺語演講、朗讀比賽，用喙和人拚輸贏，嘛自彼時開始，下定志願欲做記者、做主播，繼續用喙做家己的興趣佮志業。
　　幾冬後決心無欲做華語記者，報考師大臺文系博士班，榜首入學，蹽落去做臺語復振，加入臺語傳播研究和臺語主持這途。
　　這陣仝款「出一支喙」，用「煮食的喙」和逐家再相會。臺語的路猶真長，邀請逐家做伙蹽落去。

　　阿旻的面冊迷眾頁：www.facebook.com/page.benchor